اصعب اختيار مريت بيه فى حياتى هوة أنى اختار دكتور نفسى كويس، فكرة إنى حقول ادق تفاصيل حياتى واحاسيسى لحد غريب كانت دايماً اول حاجة بتخلينى اصرف نظر عن فكرة الدكتور النفسي.

انا قابلت فى حياتى ٤ دكاترة ودكتورة سهى رقم ٥ فى اقل من سنتين، تجاربى مع كل الدكاترة كنت بحس أنى عبئ عليهم او ساعات مجرد شغل المفروض يتعاملو معاه، فا دايماً كنت بحس ان فى حدود ومش كنت واخدة راحتى.

انا اتشخصت من سنتين بحاجة اسمها anxiety ابسط شرح ليها من وجهة نظري كمريضة هوة أنى كنت بحس أنى مش عايزة احس بأى حاجة ومش عايزة اتعامل مع اى حد، وفكرة الخروج مع اصحابى او مشاركتهم اهتماماتهم كانت صعبة جداً ومش مفضلة بالنسبالى.

بعد معاناه اكتر من سنة ونص قرأت فى منتدى عن الدكتورة سهي ومن خلال تجربتي أحب أقول لأى بنت او ولد عندهم مشكلة، حتلاقى دكتورة سهى بتتعامل معاكى كأن الموضوع شخصى بالنسبالها، اخلاق وذوق واهتمام فوق العادى.

انا اقدر أقول بكل ثقة ان دكتورة سهى غباشى احسن دكتور نفسى فى اسكندرية.

ربنا يوفقك يا دكتورة

من اذكى الدكاترة اللى اتعاملت معاها Very supportive بدينلها بحاجات كتير اوى اتغيرت فى حياتى للاحسن ساعدتنى كتير اتجاوز حاجات كتير